yosra
عدد المساهمات : 2
تاريخ التسجيل : 27/12/2011
 |  موضوع: هى دى الكيكة اللى تعتمدى عليها **و تعمليها و انتى مغمضة( 6 كيكات مختلفة )  الأحد يناير 01, 2012 2:59 pm | |
|
ازيكم اخواتى و حبايبى
يا رب تكونوا كلكم بخير و فى احسن صحة
ان شاء الله هقدملكم الكيكة المعتمدة عندى فى البيت و اللى عمرى ان شاء الله ما هغيرها
لانها بجد بتجمع صفات كتير منها انها كيكة اقتصادية يعنى مقاديرها مش فيها مغالاة
كمان هشة و سهلة جدا و طعمها حلو هنا هقدملكم 6 انواع من الكيكة مختلفة بنفس المقادير طبعا و لكن الاختلافات بسيطة
فى مكونات نوع الكيكة و ان شاء الله تنول اعجابكم
يالا نبتدى بسم الله
المقادير
2 كوب دقيق
1كوب سكر( و كوب و ربع لو بتحبيها حلوة زيادة)
نص كوب زيت
3 بيضة
فانيليا بكنج بودر
كوب الا ربع ماء او لبن او عصير
الطريقة
** هنضرب البيض مع الفانيليا فى الخلاط و بعدين هنضيف الزيت
و السكر و نضرب تانى و بعدين هنضيف الميه او العصير مع البودر
ايوا انا بحط البودر مع السوائل و بيدينى نتيجة حلوة
و بعدين هنضيف السائل اللى فى الخلاط للدقيق و نقلب من فوق لتحت عشان التجانس للدقيق مع السائل
** هتدهنى صنية زيت او سمن و ترشيها بالدقيق و تصبى الكيك فى الصنيه و تدخليها الفرن اللى طبعا
لازم نكون مشغلينه من بداية عملنا فى الكيك
و ان شاء الله سوف تجدون ما يسركم ههههههههه
الكيك رقم ا كيك الدوامة
المقاديرنفس المقادير اللى فاتت بس الزيادة هنا 2 معلقة كبيرة كاكاو و يا ريت لو خام
و هنقسم عجين الكيك لنصين ..نص سادة و نص بالكاكاو
اما الكيك رقم 2 هو كيك الجيلى
نجيب الكيك بتعنا بعد ما برد و نجيب الصنية اللى اتعملت فيها الكيك
و نغسلها و نعمل الجيلى بتعنا عادى زى
ما هو مكتوب على العبوة و نحطه فى الصنية و على التلاجة علاطول لحد ما نحس انها بدات تجمد90%
و بعدين تقلبى الكيك عليها و تدخليها التلاجة تانى عشان الجيلى يمسك فى الكيك مش اقل من ثلاثة ساعات
و بعدين تعملى حمام ماء دافى ليها و يا دوب تحطيى الصنية فى المية الدافيه و تشليها علاطول و تقلبيها
و لو حسيتى انها ممن تكون ساح الجيلى شويه دخليها التلاجة تانى
و ممكن تعملى عبوة جيلى واحدة لو عايزة طبقة الجيلى خفيفية
اما لو عايزة طبقة الجيلى سميكة شوية اعملى 2 عبوة جيلى
لو تحبى تحشى الكيك او تسبيها كدا
انا هنا حشيتها كريمة الشيكولاته و هقولك على طريقتها كالتالى
طريقة عمل كريمة الشيكولاته
دى وصفة هايلة و مقاديرها هى:-
كوب لبن
ثلث كوب كاكاو
نصف كوب سكر2
م ك دقيق
صفار 2 بيضة
فانيليا
م ك زبد
الطريقة :__* ينخل الدقيق و يضاف اليهالكاكاو و الفانيليا
* فى اناء يوضع اللبن على النارخليط الدقيق و السكر و يقلب 5 دقائق
* يخفق صفار البيض و يضاف الى خليط اللبن و يقلب دقائق ثم يضاف الزبد
*تترك حتى تبرد ثم تستعمل فى حشو الجاتو و التورته
************************************************** **********
الكيك رقم 3 و هو كيك القرفة و جوز الهند
زياده على المقادير 3 معالق كبيرة جوز هند و معلقة صغيرة قرفه و لو فى زبيب يبقى خير و بركه ههههههههه
الكيك رقم 4 هو كيك التمر و القرفة ( رهييييييييبة بجد )
زيادة على المقادير حوالى كوب من التمر او البلح الرطب + معلقة كبيرة قرفة + زبيب اختيارى
انا هنا استخدمت البلح الرطب لانى ببساطة بعشقه
اما لو فى حالة التمر العادى الناشف ...فأنا هنا بنقع شويه من التمر بعد تنظيفه و شويه ميه مغليه حوالى ساعة او ساعتين
و استعمل ماء نقع التمر فى عجن الكيك و اجيب الصنية المدهونة احط نص كمية الكيك وبعدين احط التمر او البلح و احط باقى العجينة
على وش التمر
**انا هنا اتوصيت بالقرفة زيادة عشان كدا لونها غامق بعد السوا زى ما اكون حطلها كاكاو
الكيك رقم 5 كيك الرخامية
نفس المقاديربس زيادة 2 معلقة كاكاو على تلت العجينة
احط تلتين العجينة سادة فى الصنية و احط على التلت اللى فاضل الكاكاو بالطريقة دى او بطريقة عشوائية
و اجيب الشوكة و احاول اعمل فيها لماسات بسيطة
و ممكن كان اذوق وش الكيك بكريمة الشيكولاته
الكيك رقم 6 هو كيك البرتقال
نفس المقادير بس بدل الماء يكون كوب الا ربع عصير البرتقال + بشر برتقالة او برتقالتين
و طبعا مفيش حد مش بيحب كيك البرتقال
و على فكرة انا عملتها قبل كده باليوسفى بانى عصرت اليوسفى بايدى فى مصفة صغيرة و بعدين اخدت العصير
و ضربت قشر عدد واحدة يوسفى فى الخلاط مع العصير عشان صعب انه يتبشر زى البرتقال و تقريبا بيدى نفس النتيجة بتاعة البرتقال
يا رب يكون موضوعى المتواضع يكون عجبكم و منتظرة ردودكم
lمنقوووووووووووووول للافل
ده | |
|
بنوته اوريفلام
Admin
عدد المساهمات : 209
تاريخ التسجيل : 13/12/2011
العمر : 42
| | موضوع: رد: هى دى الكيكة اللى تعتمدى عليها **و تعمليها و انتى مغمضة( 6 كيكات مختلفة ) الأحد يناير 01, 2012 5:12 pm | |
| جزاكى الله خيرا شكلها هتطلع تحفه | |
|
