طريقة معاملتك لجوزك طول حياتكم وازاي تكسبيه وتخليه مايقدرش يبعد عنك ابدااااااا

عدد المساهمات : 112 تاريخ التسجيل : 25/12/2011

هتكلم النهارده عن اهم حاجه فحياتك
واللي هتحدد اذا كنتي هتعيشي فحب وسلام
ولا نكد وخناق بعد الشر

وهى
طريقة معاملتك لجوزك حبيبك
طول حياتكم ان شاء الله

هنا انا مش هقدر اقسم الكلام زي كل مره بس هحاول اعملكم نقط كده
وهقولكم كده على كل اللي عندي ومنهم حاجات كتير انا بنفذها فعلا
و مخليه جوزي الحمدلله بيحبني موت ومايقدرش يبعد عني
ونادرا ما بيزعل مني ولا نتخانق ما شاء الله يعني ما يحسد المال الا اصحابه هههههههه

- ( جوزك على ماتعوديه )
ده مثل شعبي معروف فمصر وهو ببساطه بيعبر بتلخيص كده ازاي تتعاملي مع جوزك
يعني فور اجزامبل for example
جوزك لو عودتيه يحترمك ويحترم اهلك يبقى عمره ما هيغلط فيكي ولا فيهم
جوزك لو عودتيه انك علطول مهتمه بنفسك فالبيت يبقى عمره ما هيبص لبره
وهكذا بقى...

- عيزاكي تعرفي ان 90% من الرجاله عرفو بنات قبل ما يتجوزو مش شرط يكون عرف واحده
وعمل معاها حاجه يعني استغفر الله العظيم بس بيكون لف وشاف واتفرج ههههههههه
وبيبقى بقى حاطت فدماغه كم حاجه كده و بيبقى نفسه ان البنت اللي هيتجوزها تعملها او تكون زيها
فانت اما الفرح يقرب تساليه اما الفرح يقرب كده يعني قبله باسبوع ولا حاجه
قوليله ايه اكتر حاجه نفسك تشوفني فيها؟ هيقولك مثلا قميص عامل كذا او جيبه قصيره وبدي
المهم اللي يقولك عليه تجيبيه لو مش عندك وتلبسيه فالصباحيه صدقيني الحركه دي
هتعجبه قوي جدا خالص
وممكن وانت بتشتري اللانجري بتاعك اساليه ايه الالوان اللي بتحبها ومش لازم توضحي انك
يعني بتشتري اللانجري بس اساليه ايه اكتر الوان بتحبها عليا وابقي هاتيها فلبس البيت بتاعك سواء
لانجري او بيجامات او بديهات كده يعني

- تكوني علطوووووول مهتمه بنفسك ونظافتك فالبيت يعني دش كل يوم سواء قربلك او لا
تحطي ميك اب خفيف كده مش حاجه اوفر ورسم عين والحاجات دي خليه خفيف كده
عشان لو فيه يوم مش حطيتي مايحسش انك تعبانه ولا عيانه وطبعا برفان ده اساسي
وخلي ديما برفان معين تحطيه قبل ال**** عشان الريحه تكون مرتبطه معاه بكده
وتلقائي هتلاقيه اما تحطي البرفان المعين ده هيبقى عايز **** انتم طبعا فاهمين

- اياكي ثم اياكي تخرجي من البيت الا بأذنه وبعلم مسبق منه حتى لوكنتي رايحه لمامتك
مش وانت فالشارع تكلميه تقوليله انا رايحه لكذا او حتى لماما ولو حصل ظرف طارق وكان لازم
تخرجي ومكنش موجود تاخدي منه الاذن او كلمتيه ومش رد عليكي مثلا تبعتيله رساله
وتستاذني حماتك او حماكي واما تيجي تستاذنيه مش تقولي انا رايحه فالحته الفلانيه
لاخليكي ذكيه كده قوليله ممكن اروح فالحته الفلانيه؟ يعني تقوليها بصيغه طلب
مش معلومه بتقوليهاله من باب العلم بالشيء

- تحترمي اهله وتتكلمي عنهم فحضورهم وغيابهم كويس واياكي تغلطي فيهم حتى لو كانت
فيهم العبر و ماتقوليش مش بحب فلان ولا فلان ده رخم ولا سخيف الحاجات دي
لانه هتلاقيه تلقائي برده بيقول كده على اهلك وانت هتدايئي اكيد فليه بقى تجيبي لنفسك
وجع الدماغ والمشاكل فخدي بالك من كلامك حتى لو بهزار وحتى لو حد فيهم دايقك
ماتروحيش تقوليله دي فلانه الزفته الللي مش عارفه ايه قالت كذا وسوت كذا ولا انا مش هقبل وانا
مش عارفه ايه وتعملي مشكله انت ممكن بكل هدوء تقوليله بقى يرضيك فلانه تقولي كذا بس كده
وتسيبيه هو يتصرف بس مش كلمه تروحي تقوليها لان فيه سلايف و حموات طول ماهما
قاعدي يلقحو بالكلام فانت اصبري عليهم لو كانو من النوع ده بس اما تلاقي نفسك خلاص مش قادره
تستحملي قوليله وصدقيني لو كان فعلا الموضوع كير او كلمه فعلا رخمه هو هياخدلك حقك

- الكلمة الطيبه صدقه
ده حديث عن سيدنا محمد عليه الصلاة والسلام فانت خلي كل كلامك مع جوزك حلو وباسلوب
كويس مش اوامر او كلام ناشف حتى لو بتطلبي منه حاجه مافيش مانع من انك تقوليله ممكن ياحبيبي
تجبلي كذا او حبيبي لو سمحت اعملي كذا صدقيني الحاجات البسيطه دي من غير ما ياخد باله هتخليه
مبسوط منك و بيحبك وحاطك فوق راسه و ما يقبلش عليكي الهوا الطاير

- لو كان جوزك متعود انه في يوم فالاسبوه بيخرج مع اصحابه ماتتوقعيش منه انه اول ماتتجوزو
هيتخلى عن العاده دي فانت لو كان جوزك كده سيبيه على راحته يخرج مع اصحابه مش هيحصل
حاجه يعني وهو من نفسه هتلاقيه بعد فتره بقى خروجه معاهم يقل وهيبدا يستوعب انه خلاص
اتجوز ابتسام جميل واننه المفروض انه فيوم اجازته او فاليوم اللي بيون فاضي فيه يخرج معاكي او حت
تقعدو سوى فالبيت فنصحيه مهمه مني ليكي ماتخنقيش الراجل وسيبيه براحته
هتلاقي هو اللي بيجي يقولك انا مش هروح لصحابي النهارده او يقولك تعالي اما نخرج

- لو انت شايفه ان ظروف جوزك مش سامحه انكم تخروجو سواء عشان مواعيد شغله او الميزانيه
يبقى ماتزنيش عليه كل شويه خرجني خرجني او حتى ماتحسسيهوش انك مدايقه او انه مقصر معاكي
طب تصدقو اني انا وجوزي مش بنخرج سوا غير كل 3 ولا 4 شهور مره ؟! اه والله لانه معندوش يوم
اجازه وكمان العياده بتاعتة من 6المغرب ل1 بليل فمافيش مجال اننا نخرج كتير
وتصدقو اني عمري ماطلبت منه يخرجني غير 4 مرات مثلا فالسنتين جواز دول اه والله
وعمري ماحسسته انه مقصر معايا فالموضوع ده ده ساعات كمان هو اللي يقولي
من نفسه كده معلش انا عارف اني مش بخرجك ومش بنتفسح وحاسس اني مقصر معاكي
اقوم انا بقى اقوله اييييييييييييه ولا يهمك ياحبيبي كفايه انك معايا ايوه قولي كده
خليكي ذكيه يا بدريه ههههههههه وابلفي الراجل بكلمتين حتى لو كنتي فعلا زعلانه
او مديقه بس بدام هو حاسس انه غلطان او مقصر يبقى مافيش داعي انك تزودي
زعله او همه واما اعمل كده بلاقيه بعدها بيومين عزمني على العشا ولا قالي تعالي اما نخرج
لوحده مخليه يحبني جدا و يجبلي كل حاجه نفسي فيها من غير ما اطلب

- طبعا من اهم الحاجات اللي لازم تعمليها انك ولا تعلي صوتك عليه ولا تخرجي اسرار بيته بره
خليكي امينه وحططي فبالك ان الراجل ده استامنك على بيته وعياله واسمه وشرفه فحافظي عليهم
وماتخرجيش ابدا اسراره لحد حتى لاقرب الناس ليكي

- اخر حاجه هقولهالك فالموضوع ده خليكي لجوزك
ام ترعاه و تاخه فحضنها وتكون حنينه علي
زوجه تشوف طلباته وتحافظ على بيته و تصون شرفه واسمه وتربي ولاده تربيه صح
حبيبه تدلعه وتغازله وتقوله احلى كلام الحب
صديقه تحفظ سره وتكون ملجأه اما يحتاج نصيحه ويفضفض معاها بكل اللي فقلبه
عشيقه تكون مجنونه متغيره جميله لما يطلبها فاي وقت يلاقيها جاهزه ومستنيا ياخدها فحضنه

املي عين جوزك ونفذي كل اللي نفسه فيه عمره عمره ماهيبص لغيرك
ولا يجري على حضن واحده تانيه عشان ياخد منها اللي مش لقيه فيكي

اتمنى يكون كلامي مفيد ليكم
وياريت بقى اشوف تفاعل عشان انتم جبتولي اكتئاب
مخنوقة