كيكة اسفنجية

[centerجيبالكم طريقة غريبة للكيكة الاسفنجية بس سهلة واقتصادية كمان لمحبى التوفير


ندخل فى المفيد


4 بيضات
3 كوب دقيق
باكو بيكينج بودر

ثلاثة ارباع كوب زيت ( اسفنجية متنكرة متخافوش)
كوب ونصف سكر
فانيليا
كوب حليب
ذرة ملح

الطريقة بقى:


افصلى البياض عن الصفار

اضربى البياض لغاية ما ينفش ويبقي زى الثلج ويتضاعف حجمه

واضربى الصفار مع الفانليا

واضربى السكر مع الزيت

ضيفي الصفار علي السكر والزيت
وضيفي كوب الحليب
وضيفي الدقيق عليهم بالتدريج مع التقليب في اتجاه واحد
وضيفي البيكينج بودر علي آخر ربع كوب دقيق

بعد كدة ضيفي الخليط ده علي البياض بتاع البيض بالتدريج مع التقليب من الاسفل الي الاعلي

مع المحافظة علي التقليب في اتجاه واحد علشان البياض ما يهبطش

الكمية دى هاتحتاج صينيتين او صينية واحدة ارتفاعها عالي شوية
علشان المقدار ده بتاع كيكتين (ادهنى الصينية وحوافيها وبعد كدة حطى رشة دقيق)
يتحطوا فوق بعض اذا حبيتى تعملي تورتة

او اعملي كب كيك برضو هيطلع روعة باذن الله